Утреннее правило

МОЛИТВЫ УТРЕННИЕ.

Во имя Отца, и Сына, и Святого Духа.

Аминь.

Боже, милостив буди мне грешному.

Господи Иисусе Христе, Боже наш, помилуй нас.

Аминь.

Слава Тебе, Боже наш, слава Тебе.

Молитва Святому Духу.

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Ангельская песнь Пресвятой Троице.

Святый Боже, Святый Крепкий, Святый Безсмертный, помилуй нас (трижды).

 

Славословие Пресвятой Троице.

Слава Отцу и Сыну и Святому Духу, и ныне и присно и во веки веков. Аминь.

Молитва Пресвятой Троице.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй (трижды).

Слава Отцу и Сыну и Святому Духу, и ныне и присно и во веки веков. Аминь.

Молитва Господня.

     Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукавого.

Символ веры.

     Верую во единаго Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единородного, Иже от Отца рожденнаго прежде всех век; Света от Света, Бога истинна от Бога истинна, рождена, несотворенна, единосущна Отцу, Имже вся быша. Нас ради человек и нашего ради спасения сшедшего с небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребена. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судите живым и мертвым, Его же Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном споклоняема и сславима, глаголавшего пророки. Во едину Святую Соборную и Апостольскую Церковь. Исповедую единокрещение во оставление грехов. Чаю воскресения мертвых, и жизни будущаго века. Аминь.

Утренняя молитва святого Макария Великого.

      К Тебе, Владыко Человеколюбче, от сна восстав прибегаю, и на дела Твоя подвизаюся милосердием Твоим, и молюся Тебе: помози ми на всякое время, во всякой вещи, и избави мя от всякия мирския злыя вещи и диавольскаго поспешения, и спаси мя, и введи в Царство Твое вечное. Ты бо еси мой Сотворитель и всякому благу Промысленник и Податель, о Тебе же все упование мое, и Тебе славу возсылаю, ныне и присно и во веки веков. Аминь.

Молитва Ангелу Хранителю.

     Ангеле Божий, хранителю мой святый, на соблюдение мне от Бога с небесе данный, прилежно молю тя: ты мя днесь просвети, и от всякаго зла сохрани, ко благому деянию настави и на путь спасения направи. Аминь.

Молитва святому, имя которого ты носишь.

     Моли Бога о нас, святый угодниче Божий Варлааме, яко аз усердно к тебе прибегаю, скорому помощнику и молитвеннику о душах наших.

Приветствие Ангела Божией Матери.

     Богородице Дево, радуйся, Благодатная Марие, Господь с Тобою; благословенна Ты в женах и благословен Плод Чрева Твоего, яко Спаса родила еси душ наших.

Молитва Животворящему Кресту.

     Спаси, Господи, люди Твоя и благослови достояние Твое, победы православным христианом на сопротивныя даруя и Твое сохраняя Крестом Твоим жительство.

Молитва о живых.

     Спаси, Господи, и помилуй Матушку Алексию с сестрами, наших родителей, бабушек и дедушек, наших братьев и сестер, нашего ректора, учителей и воспитателей, и всех православных христиан.

Молитва об усопших.

     Упокой, Господи, души усопших раб Твоих и всех усопших сродников моих, и прости им вся согрешения вольная и невольная, и даруй им Царствие Небесное.

Окончание молитв.

Хвалебная песнь Богородице.

     Достойно есть, яко воистину блажити Тя Богородицу, присноблаженную и пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

   Слава Отцу и Сыну и Святому Духу, и ныне и присно и во веки веков. Аминь.

Господи, помилуй (трижды). Благослови.

Господи Иисусе Христе, Боже наш, помилуй нас.

 Аминь.

  • Контакты
  • 142210, Московская область, г. Серпухов, ул. Октябрьская, 40, строение 12
  • Е-mail:  rlalih@yandex.ru
  • Канцелярия: (4967) 759081 (секретарь Назарова Надежда Михайловна)